Topp 5 korter í lokun *Gestalisti* – Valgerður Jónsdóttir
3.12.2010 - Georg Atli
Þema listans í dag kemur frá dyggum lesanda og aðdáanda (hennar eigin orð!) sem heitir Valgerður Jónsdóttir, ég veit svo sem engign fleiri feili á henni nema það að samkvæmt tölvupóstinum hennar á er hún í háskólunum…. húrra fyrir Valgerði!
En sem sagt af því að við erum sökkerar fyrir aðdáandabréfum og góðum listahugmyndum þá ákváðum við að bjóða henni bara að vera með og gera sína eigin útgáfu, sem kemur hér:
Time of my life- Bill Medley & Jennifer Warnes(dirty dancing..)
Er ekki alltaf gott að enda nóttina með lagi sem býður upp á ótrúlega sterka innlifun? hvort heldur sem fólk er búið með 3 eða 18 bjóra, þá er alveg gefið að allir taki skref eða fimm.
Hey – Pixies
Lagið sem allir kunna textann við..eða amk fyrstu tvær línurnar. Þetta er lagið sem við viljum enda á, þau kvöld sem í okkur er svolítið kúl næntíspúki sem vill frekar taka slow-slam(danstegund frá tíma grunge‘ins) en dramatíska 80s sveiflu.
Don‘t wanna miss a thing- Aerosmith
Skemmtilegasta við kortér í lokun er að enginn leynir því hvaða lagatexta hann kann. Við þetta lag fara kveikjarar á loft, fólk vangar, sumir fara niður á hné í innlifun sinni en aðrir fara einfaldlega út. Fyrir mitt leyti skal viðurkennast að ég myndi að öllum líkindum flokkast undir þá sem færu niður á hné en það skiptir ekki máli.
Heal the world- Michael Jackson
Tragískur endir á vonandi skemmtilegri nóttu með hressilegum danssyrpum. Þetta lag býður upp á frábæra möguleika á borð við vangadans og tjáningardans. Hvort tveggja mjög góðar leiðir til að enda kvöldið og fara heim. Svo höfum við nú líka öll soft spot fyrir honum Jacko.
Home- Edward Sharpe & The Magnetic Zeros
Lagið sem er svo skemmtilegt hvort heldur sem það er kortér í eða um miðbik nætur. Kannski ekki dramatískt eins og flest lögin hér að ofan en það heitir nú einu sinni HOME sem getur verið tákn um hvert skal haldið að því loknu.
Tags: Aerosmith, Bill Medley & Jenifer Warnes, Edward Sharpe & The Magnetic Zeros, Michael Jackson, pixies
Flokkað undir Georg Atli, Gestalisti |
Ekki er hægt að skrifa athugasemd við þessa færslu.
