Extreme Chill Festival Undir Jökli 5-7 2011

5.7.2011 - Georg Atli

Íslenska raftónlistarhátíðin Extreme Chill Festival 2011, Undir jökli verður haldin dagana 5 – 7. ágúst næstkomandi á Hellissandi við rætur Snæfellsjökuls.

Þetta er í annað sinn sem hátíðin fer fram, en fyrir ári síðar fór hún fram í fyrsta sinn einnig á Hellisandi á sama tíma. Í ár verða það um 30 íslenskir tónlistarmenn sem koma fram auk þess koma fram tveir erlendir tónlistarmenn.

Dagskráin verður með því móti að á föstudagskvöldinu verða tónleikar í félagsheimilinu Röst og byrja þeir kl. 20. Á laugardeginum hefst dagskráin utandyra með útitónleikum sem standa frá kl. 13 – 19 og verður dagskráin svo færð innanhús í félagsheimilið Röst kl. 20.

Í ár verður hátíðin tileinkuð íslenska raftónlistar frumkvöðlinum Bjössa Biogen [Sigurbjörn Þorgrímsson], en hann lést í byrjun þessa árs, langt fyrir aldur fram.

Í ár verða tvö erlend nöfn sem munu koma fram á Undir Jökli, en það eru engir nýgræðingar á þessu sviði , það eru tónlistarmennirnir Biosphere og Solar Fields ásamt rjómanum af íslenskri raftónlist. Meðal þeirra sem koma fram eru Agzilla, Andre, Árni Vector, Beatmakin Troopa, Bix, Captain Fufanu, Crackers, Epic Rain, Futuregrapher, Intro Beats, Jafet Melge, Jóhann Eiríksson, Krummi, Murya, Orang Volante, Plasmabell, Plat, PLX, Prins Valium, Quadruplos, Radio Karlsson, Ruxpin, Skurken, Stereo Hypnosis, Steve Sampling, Subminimal, ThizOne, Tonik, Trouble og Yagya.

Extreme Chill eru kvöld sem fara fram hálfsmánaðarlega og hafa þau kvöld verið haldin reglulega síðan 2007 á stöðum á borð við 22, Café Cultura, Nýlenduvöruverslun Hemma og Valda og núna síðast á Kaffibarnum. Meginmarkmið með kvöldunum er að kynna til leiks íslenska tónlistarmenn sem fást við raftónlist á einhvern hátt og hafa þessi kvöld fengið gríðarlega góðar undirtektir. Extreme Chill er hugarfóstur þeirra feðga Pan Thorarensen, Óskars Thorarensen [Stereo Hypnosis] og Andra Má Arnlaugssonar.

Í ágúst 2009 fóru fram útgáfutónleikar Stereo Hypnosis á Hellisandi á Snæfellsnesi og kveiknaði þá hugmyndin að hafa tónlistarhátíð þar. Ári síðar fór fram á sama stað raftónlistarhátíðin Extreme Chill Festival – Undir jökli helgina 6. – 8. ágúst.

Þetta verður leyndardómsfullt ferðalag um rafrænt landslag.

Miðasalan hófst Föstudaginn 1.Júli á www.midi.is og verslunum Brim Laugavegi og Kringlunni.

Tags: Agzilla, Andre, Árni Vector, Beatmakin Troopa, Biogen, Biosphere, Bix, Captain Fufanu, Crackers, Epic Rain, Futuregrapher, Intro Beats, Jafet Melge, Johann Eiriksson, Krummi, Murya, Orang Volante, Plasmabell, Plat, PLX, Prins Valium, Quadruplos, Radio Karlsson, Ruxpin, Skurken, Solar Fields, Stereo Hypnosis, Steve Sampling, Subminimal, ThizOne, Tonik, Trouble, Yagya
Flokkað undir Georg Atli, Tilkynning, Tónleikar | Comments Off