Topp 5 íslenskar plötur ársins 2012 – Georg Atli

4.1.2013 - Georg Atli

Eins og alltaf þá var alveg fáránlega erfitt að velja bara 5 plötur og ég bara get ekki með góðri samvisku skrifað færslu um bestu plötur ársins án þess að amk nefna þessar 10 sem koma í næstu sætum fyrir neðan þær. Þessar plötur sem koma hérna næst eru allt plötur sem að ég átti í erfiðleikum (mismiklum að vísu) með að skera frá Topp 5 listanum mínum og mér finnst allar eiga það skilið að þið athugið þær aðeins betur, mér finnst líka rétt að taka fram að mér þótti sérstaklega erfitt að sleppa plötum Hjaltalín og Múgsefjunar af loka 5 plötulistanum mínum. Í stafrófsröð eru það eftirfarandi plötur sem ég þurfti að skera frá lokalistanum:

Borko - Born to be Free
Cheek Mountain Thief – Cheek Mountain Thief
Davíð Þór Jónsson – Improvised Piano Works 1
Dream Central Station – Dream Central Station
Ghostigital – Division of Culture & Tourism
Hjaltalín – Enter 4
Muck – Slaves
Múgsefjun – Múgsefjun
Ojba Rasta – Ojba Rasta
Retro Stefson – Retro Stefson
Tilbury – Exorcise

Topp 5 íslensku plöturnar 2012

5. Pétur Ben – Gods Lonely Man

Önnur plata Péturs Ben er ótrúlega ólík þeirri fyrstu. Þyngri, erfiðari, tilkomumeiri og betri

4. Þórir Georg – I Will Die and You Will Die and it Will be Alright

Þórir Georg sendi frá sér eina af bestu plötum árins og hann gerði það í sama stíl og plöturnar hans hafa verið, með mikilli hæversku og lítillæti. Platan er heillandi og innileg og eins og oftast snýst hún að mestu leyti um Þóri Georg, gítarinn hans og texta.

3. The Heavy Experience – Slowscope

Þetta er ein af þessum plötum sem að er eiginlega bara hægt að hlusta á ef maður er einn heima hjá sér. Maður byrjar að spila hana og svo sekkur maður neðar í sætið sitt og reynir síðan af öllu afli að hægja á allri líkamsstarfseminni sinni svo að ekkert geti truflað mann við það að hlusta.

2. Moses Hightower – Önnur Mósebók

Sálartónlist á íslenska vísu. Skemmtileg plata með mikið af skemmtilegum pælingum, æðislega skemmtilegum textum og rosalega skemmtilegum lögum.

1. Sudden Weather Change – Sculptures

Frábær plata frá Sudden Weather Change sem að ég held að því miður hafi of margir miðlar hreinlega gleymt í sínum uppgjörum. Mjög þroskuð og heilsteypt plata. Það allra besta sem ég hef heyrt frá SWC og það besta sem ég heyrði í ár.

Tags: Borko, Cheek Mountain Thief, Davíð Þór Jónsson, Dream Central Station, Ghostigital, Hjaltalín, Moses Hightower, MUCK, Múgsefjun, Ojba Rasta, Pétur Ben, Retro Stefson, Sudden Weather Change, The Heavy Experience, Tilbury, Þórir Georg
Flokkað undir Georg Atli | Comments Off

Íslenskur vínylmarkaður á Kexinu!

22.11.2012 - Georg Atli

Íslensk vínyl útgáfa stendur í miklum blóma þessi misserin enda er fátt eigulegra en góð (íslensk) tónlist á vínylplötu. Titlarnir hrúgast út í búðirnar í allskonar útgáfum, litaðar plötur, númeraðar plötur tvöfaldar plötur, 10″ plötur og allskonar margt fleira. Þess vegna er mér sérstaklega gleðilegt að birta þessa tilkynningu sem við fengum um Íslenskan vínyl markað semverður á Kex hostel á laugardag. Það Snorri Helgason sem stendur á bak við þetta skemmtilega framtak og þú getur (ef þú ert tónlistarmaður með “brakandi ferskan vínyl í pokahorninu”) meira að segja fengið að vera með, sendu bara póst á Snorra Helgason

Þeir sem ætla að vera með eru (ekki tæmandi listi því að það er alltaf að bætast nöfn við, best að fylgjast með á facebook):

Snorri Helgason, Borko, Tilbury, Retro Stefson, Ojba Rasta, Múm, Ásgeir Trausti, Ólöf Arnalds, Sin Fang, Legend, The Heavy Experience, Prinspóló, Hjálmar, Sigurður Guðmundsson og Memfismafían, Of Monsters and Men, For a Minor Reflection, Moses Hightower, Kira Kira, Valdimar, Berndsen og Lay Low.

Markaðurinn verður á Kex hostel á laugardaginn á milli 13 og 17 og það verður meira að segja lifandi tónlist líka! Hér er event-inn aftur.

Þangað til getið fengiuð smá innsýn inn í plötusafn Cut Chemist (Ozomatli, Jurassic 5)

Tags: Ásgeir Trausti, Berndsen, Borko, For a Minor Reflection, Hjálmar, Kira Kira, Lay Low, Legend, Moses Hightower, Múm, of monsters and men, Ojba Rasta, Ólöf Arnalds, Prinspóló, Retro Stefson, Sigurður Guðmundsson og Memfismafían, Sin Fang, Snorri Helgason, The Heavy Experience, Tilbury, Valdimar
Flokkað undir Georg Atli, Tilkynning | Comments Off

Miðvikudagsmeðmæli

31.10.2012 - Georg Atli

Það er svo gott að hafa plan þegar að það er mikið að gera og þess vegna ætla ég að búa til smá plan yfir það sem að mig langar að sjá í dag og deila því hérna með ykkur! Planið byrjar snemma þá svo að ég nái ekki alveg að byrja jafn snemma vegna vinnu en það er samt gott fyrir alla að vita hvað mig myndi langa að sjá kæmist ég frá. Að mínu mati þarf að taka einn dag í flakk milli staða og sjá sem flest. þessi dagskrá hérna fyrir neðan er skrifuð með það í huga.

15:00 Íslenski barinn (off- venue) – Futuregrapher (fínt að byrja á gæða elektróník)
16:00 Hressó (off- venue) – Blouse (útlenskt)
17:00 Eymundsson (off- venue) – Rif (Nýtt og lofar góðu)
19:00 Bar 11 (off- venue) – Jón Þór (Jón Þór (Lada Sport) var að senda frá sér fyrstu sólóplötuna)
20:00 Kaldalón – Úlfur (bassaleikari Swords of Chaos er að gera góða hluti sóló)
20:50 Iðnó – Pascal Pinon (ný plata væntanleg)
21:40 Silfurberg – Ojba Rasta (Hin stóra reggae sveitin á íslandi er mjög hressandi)
22:30 Iðnó – Prinspóló (Vææntanlega fullt af nýju efni)
23:20 Iðnó – Sin Fang (Klikkar aldrei)
00:10 Silfurberg – Retro Stefson (frábær leið til að slútta fyrsta í Airwaves)

Tags: Blouse, Futuregrapher, Jón Þór, Ojba Rasta, Pascal Pinon, Prinspóló, Retro Stefson, Rif, Sin Fang, Úlfur
Flokkað undir Airwaves, Georg Atli, Tónleikar | Comments Off

Nokkrir góðir hlutir við Airwaves 2012

30.10.2012 - Georg Atli

Tryllingurinn hefst á morgun og hjá mér er spennan gríðarleg! Það er alltaf gríðarlegur valkvíði sem fyllir mann þegar að það kemur að því að velja hvað á að sjá og þar er ég engin undantekning, þess vegna bjó ég til þennan 5 atriða lista um það sem að ég mæli með að gera.

5. Off-venue!

Það er nauðsynlegt að fylgjast vel með off-venue dagsskránni líka því að það er bara allt allt allt of mikið á Airwaves til að maður nái því á kvöldin. Það er líka geðveikt næs að rölta snemma í bænum og dettainn á einhverja snilld sem er í gangi þar.

4. Eitthvað annað en tónlist!

Í ár er fullt annað en tónlist í gangi og þú gerðir vel ef þú tjékkaðir á einhverju sem er að gerast. Listasýningar, fyrirlestrar og bókaopnanir og allskonar. Farðu og skoðaðu t.d. í Airwaves appinu það er allskonar sniðugt og skemmtilegt í gangi

3. Swans, Django Django og/eða Dirty Projectors

Þetta er frekar basic stærstu/heitustu nöfnin á hátíðinni og þú ættir að sjá amk eitt þeirra.

2. Reykjavík og Retro Stefson

Sjáðu Reykjavík! og Retro Stefson að minnsta kosti einu sinni á Airwaves. Þetta er að mínu mati lang bestu íslensku live böndin í dag og þá er ég alls ekki að gera lítið úr neinum öðrum. R! og Retro Stefson eru bara betri og ef þú sérð hvorugt þá áttu eftir að sjá eftir því í langan tíma… eða amk þar til á næstu hátíð.

Reykjavík! spilar á Þýska barnum kl. 01:20 á föstudeginum (en aldrei off-venue) og Retro Stefson verða kl. 00:10 á miðvikudegi í Hörpu (Silfurbergi) og á sama stað á laugardeginum kl 23:00

1. Farðu á eitthvað sem þú veist ekkert um!

Það sem er það allra allra besta við Airwaves er það að þú hefur möguleikann á því að upplifa eitthvað alveg nýtt. Hlusta á eitthvað sem þú hefuraldrei hlustað á áður og kannski hugsanlega finna nýja uppáhalds tónlist. Þess vegna mæli ég með að þú farir amk einu sinni nákvæmlega ekkert eftir planinu þínu (eða einhvers annars) og veljir stað af handa hófi (helst eitthvað sem þú færir annars ekki) og tjékkir á einu bandi þar… eitt band er alveg lágmark.

Svo svona smá auka í lokinn þá henti ég í einn 8 Tracks lagalista með því allra helsta erlenda á hátíðinni

Tags: Airwaves 2012, Dirty Projectors, Django Django, Retro Stefson, Reykjavík!, Swans
Flokkað undir Airwaves, Georg Atli, Tónleikar | Comments Off

Nýtt Retro Stefson myndband!

10.10.2012 - Georg Atli

Lífstílsbiblían Hverjir voru Hvar voru rétt í þessu að frumsýna nýja Retro Stefson myndbandið. Myndbandið er gert við lagið Glow (sem er á nýjustu og samnefndri plötu Retro Stefson) var unnið af Magnúsi Leifssyni (sem hefur áður gert myndbönd fyrir t.d. FM Belfast og Gísla Pálma) og líklegt til þess að gera tandem reiðhjól bæði hipp og kúl.

Tags: Retro Stefson
Flokkað undir Georg Atli | Comments Off

Gabríel sendir frá sér nýtt lag

8.5.2012 - Kristjana

Grímuklæddi tónlistarmaðurinn Gabríel var að senda frá sér annað lag, Sólskin, eftir að hafa slegið í gegn með Stjörnuhröp. Í þetta sinn fékk hann Unnstein Manuel úr Retro Stefson og Opee, fyrrum meðlim Quarashi, með sér í lið.

Við gerð lagsins var öllu tjaldað til, en hljómjöfnun var í höndum hins virta Chris Athens, sem hefur m.a. hljómjafnað plötur fyrir stórstjörnur á borð við Usher, Coldplay, Beastie Boys, AC/DC, Johnny Cash, The Notorious B.I.G, Nas, Erykah Badu, P. Diddy og svo mætti lengi telja.

Gabríel er þegar farinn að huga að sínu þriðja lagi auk þess að vera með fleiri járn í eldinum, en hann er til að mynda í hóp fyrstu sveita sem staðfestar hafa verið á Airwaves í haust.

Tags: Airwaves, Gabríel, Opee, Quarashi, Retro Stefson, Unnsteinn Manuel
Flokkað undir Airwaves, Kristjana, Óflokkað | Comments Off

Íslensk tónlistarmyndbönd á Northern Wave Film Festival

31.1.2012 - Georg Atli

Næstkomandi mars (2.-4. mars 2012) verður haldin alþjóðleg stuttmyndahátíð í Grundarfirði. Þó svo að það eitt og sér sé skemmtilegt verður valið íslenska tónlistarmyndband ársins í leiðinni og mér finnst það ennþá skemmtilegra. Ykkur til yndisauka þá ákvað ég að birta lista yfir þau myndbönd sem hafa verið tilnefnd hér að neðan og m.a.s. að linka á þau líka. Dyggir lesendur hafa alveg örugglega séð mörg myndbandanna áður hérna hjá okkur en þau eru samt mjög góð/skemmtileg þannig að það má alveg horfa aftur. Ég mæli meira að segja eindregið með því að þið horfið á öll myndböndin. Hins vegar nenni ég ekkert að skrifa um þau en bendi þess í stað á mjög skemmtilegt blogg frá Gogoyokoliðum. Það er líklega rétt að taka tvennt fram, í fyrsta lagi þá er listinn hér að neðan fenginn að láni af heimasíðu hátíðarinnar (northernwavefestival.com/) og í öðru lagi þá eru það áðurnefndir Gogoyokopennnar sem tilnefna myndböndin á listann.

ÍSLENSK TÓNLISTARMYNDBÖND TILNEFND AF GOGOYOKO.COM

123 Forever með Apparat Organ Quartet
Leikstjóri: Gerda Klotz
Feels Like Sugar með Hjaltalín
Leikstjóri:Rúnar Ingi
Because Of The Blood með Sin Fang
Leikstjóri:Máni M. Sigfússon
Sneaky Boots með Kiriyama Family
Leikstjóri:Gunnar Örn Birgisson
Hellbound Heart með Reykjavík!
Leikstjóri:Bowen Staines
River með Snorra Helgasyni
Leikstjóri:Máni M. Sigfússon
Tranquility með Who Knew
Leikstjóri:Einar Baldvin Arason
Implosions með Agent Fresco
Leikstjóri:Jónatan Grétarsson
Sharpen The Knife með Who Knew
Leikstjóri:Sigurjon Bjarni Sigurjonsson
Oh Dae Su II með We Made God
Leikstjóri:Óskar Bragi Stefánsson
Slowlights með Sin Fang
leikstjórn: Máni M. Sigfússon
Over með GusGus
Leikstjórn Ellenar Lofts & Thorbjarnr Ingasonar
Smashed Birds með Sóley
Leikstjórn: Inga Birgisdóttir
Kimba með Retro Stefson
Leikstjórn: Árni Sveinssonar
Never Forever með Singapore Sling
Leikstjórn: Þórður Grímsson
Skeletons Having Sex on a Tin Roof með Orphic Oxtra
Leikstjórn: Bergrún Snæbjörnsdóttir
I Don’t Want To Go To Sleep Either með FM Belfast
Leikstjórn: Árni Rúnar Hlöðversson
Bed of Needles með Steed Lord
Leikstjórn: Steed Lord (ásamt Sonya Tayeh)
American með FM Belfast
Leikstjórn: Árni Rúnar Hlöðversson
Two Boys með Sin Fang
Leikstjórn: Inga Birgisdóttir

Tags: Apparat Organ Quartet, FM Belfast, Gus Gus, Hjaltalín, Kiriyama Family, Orphic Oxtra, Retro Stefson, Reykjavík!, Sin Fang, Singapore Sling, Snorri Helgason, Sóley, Steed Lord, We Made God, Who Knew, Who Made God
Flokkað undir Georg Atli | Comments Off

XMAS 2011 – til minningar um Hermann Fannar Valgarðsson

19.12.2011 - Georg Atli

Annað kvöld verður blásið til stórviðburðar í Hafnarfirðinum. Þar verða árlegir jólatónleikar X-ins (XMAS) sem að í þetta skiptið verða haldnir í minningu Hermanns Fannars, fyrrum alt muligt manns sem lést langt fyrir aldur fram í nóvember. Tónleikarnir eru (svona svolítið eins og Hemmi) aðeins öflugri en flest annað sem er í gangi í dag og flest stærstu nöfnin eru þarna (smellið á myndina að ofan til að sjá betur) og svo er líka mjög gaman að geta bent á það að hljómsveitin Súrefni ætlar að koma aftur saman og trylla gesti.

Allir eru að gefa vinnu sína og allur ágóði af miðaverðinu (sem er, að ég held, allt verðið) rennur svo í styrktar sjóð fjölskyldu Hemma þannig að þarna gætuði verið að skemmta ykkur frábærlega OG gera jólagóðverk ársins, sem verður að segjast að er ansi góður díll!

Svo ef að þið komist ekki eða hreinlega nennið ekki á tónleikana þá er líka hægt að leggja inn á þennan reikning:
Reikningsnr: 545-14-403403
Kennitala: 180507-3610

Eftir tónleikana verða svo fríar rútuferðir úr Hafnarfirði og inn í Kópavog, Garðabæ og að sjálfsögðu líka inn í höfuðborgina, þannig að fjarlægðin er engin ástæða fyrir því að sleppa þessu!
Hérna er hægt að kaupa miða og svo er hægt að læka hér og horfa á smá vídjó/auglýsingu fyrir viðburðinn sem útskýrir allt aðeins betur.

Tags: Bogamil Font og Félagar, Dikta, Dr. Spock, Ensími, Friðrik Dór, Hjálmar, Jón Jónsson, Lay Low, Mugison, of monsters and men, Ourlives, Pollapönk, Retro Stefson, Reykjavík!, Samaris, Súrefni, Vicky
Flokkað undir Georg Atli, Tónleikar | Comments Off

IMMO – Peter Pan (ft. Opee & Unnsteinn)

12.12.2011 - Georg Atli

Rapparinn IMMO heldur áfram að gera gott mót. Í byrjun mánaðarins sendi hann frá sér nýtt myndband, í þetta skiptið er það lagið Peter Pan en í því lagi nýtur hann aðstoðar rappararns Opee, sem er því miður líklega frægastur fyrir að hafa verið í Quarashi í mjög skamma stund og Unnsteins (úr Retro Stefson). Sem fyrr er það Fonetic Simbol sem semur takta og stýrir upptökum á laginu.

Tags: IMMO, Opee, Retro Stefson
Flokkað undir Georg Atli | Comments Off

Tónleikasamantekt helgarinnar

3.11.2011 - Kristín Gróa

Þið hafið eflaust tekið eftir því að það eru komnar margar vikur síðan við gerðum tónleikasamantekt. Lífið heldur manni of uppteknum. Það er bara þannig. Hei en það er margt skemmtilegt að gerast um þessa helgi og hér er það helsta!

Fimmtudagur

Á Faktorý ætla hljómsveitirnar Feldberg og Náttfari að halda sameiginlega tónleika í tilefni komandi tónleikaferðalags Feldberg til Japan. Tónleikarnir hefjast kl. 22 og það kostar 1500 krónur inn. Sjá nánar hér.

Á NASA verða Dúndurfréttir og sjálfur Eiríkur Hauksson með tónleika. Tónleikarnir hefjast kl. 22 og það kostar 2500 krónur inn. Miðasala á midi.is. Sjá nánar á nasa.is.

Á Norðurpólnum verða haldir síðustu tónleikar ársins í röðinni “Rafmagnslaust á Norðurpólnum”. Fram koma Pétur Ben og Samúel Jón Samúelsson Big Band auk þess sem DJ Lucky mun leika lög af upptrekktum grammófóni. Húsið opnar 20:30 en tónleikarnir hefjast stundvíslega kl. 21. Það kostar 1500 krónur inn. Forsala miða á midi.is.

Föstudagur

Á Faktorý verður mikið dansistuð undir formerkjum Reyk Veek og byrjar fjörið um 22. Það kostar ekkert inn. Sjá nánar hér.

Á NASA rekur þungarokkshljómsveitin Skálmöld endahnútinn á Evróputúrinn sinn. Einnig koma fram Otto Katz Orchestra og þeir Hilmar Örn Hilmarsson og Steindór Andersen. Það kostar 2000 krónur inn. Miðasala á midi.is. Sjá nánar á nasa.is.

Laugardagur

Á Faktorý verður mikið stuð því þar spila Retro Stefson. Ég sá þau á Airwaves og trúið mér þegar ég segi að það verður tryllt stemning! Þetta eru víst síðustu tónleikar sveitarinnar áður en þau fara í tónleikaferð um Evrópu. Forsala miðaa er hafin í Lólu, Laugavegi 55 og á Faktorý. Miðaverð er 1000 krónur í forsölu en 1500 krónur við dyrnar. Tónleikarnir hefjast kl. 23. Sjá nánar hér.

Sunnudagur

Á Faktorý verður Sunnu-Jazzinn á sínum stað en hann hefst kl. 21:30 og það er frítt inn.

Gleymdum við einhverju? Látið okkur vita í kommentunum eða sendið okkur póst eða hafið samband á Facebook eða bara eitthvað!

Tags: Dúndurfréttir, Eiríkur Hauksson, Feldberg, Hilmar Örn Hilmarsson, Náttfari, Otto Katz Orchestra, Pétur Ben, Retro Stefson, Samúel Jón Samúelsson Big Band, Skálmöld, Steindór Andersen
Flokkað undir Kristín Gróa, Tónleikar | 1 athugasemd »