Nokkrir góðir hlutir við Airwaves 2012

30.10.2012 - Georg Atli

Tryllingurinn hefst á morgun og hjá mér er spennan gríðarleg! Það er alltaf gríðarlegur valkvíði sem fyllir mann þegar að það kemur að því að velja hvað á að sjá og þar er ég engin undantekning, þess vegna bjó ég til þennan 5 atriða lista um það sem að ég mæli með að gera.

5. Off-venue!

Það er nauðsynlegt að fylgjast vel með off-venue dagsskránni líka því að það er bara allt allt allt of mikið á Airwaves til að maður nái því á kvöldin. Það er líka geðveikt næs að rölta snemma í bænum og dettainn á einhverja snilld sem er í gangi þar.

4. Eitthvað annað en tónlist!

Í ár er fullt annað en tónlist í gangi og þú gerðir vel ef þú tjékkaðir á einhverju sem er að gerast. Listasýningar, fyrirlestrar og bókaopnanir og allskonar. Farðu og skoðaðu t.d. í Airwaves appinu það er allskonar sniðugt og skemmtilegt í gangi

3. Swans, Django Django og/eða Dirty Projectors

Þetta er frekar basic stærstu/heitustu nöfnin á hátíðinni og þú ættir að sjá amk eitt þeirra.

2. Reykjavík og Retro Stefson

Sjáðu Reykjavík! og Retro Stefson að minnsta kosti einu sinni á Airwaves. Þetta er að mínu mati lang bestu íslensku live böndin í dag og þá er ég alls ekki að gera lítið úr neinum öðrum. R! og Retro Stefson eru bara betri og ef þú sérð hvorugt þá áttu eftir að sjá eftir því í langan tíma… eða amk þar til á næstu hátíð.

Reykjavík! spilar á Þýska barnum kl. 01:20 á föstudeginum (en aldrei off-venue) og Retro Stefson verða kl. 00:10 á miðvikudegi í Hörpu (Silfurbergi) og á sama stað á laugardeginum kl 23:00

1. Farðu á eitthvað sem þú veist ekkert um!

Það sem er það allra allra besta við Airwaves er það að þú hefur möguleikann á því að upplifa eitthvað alveg nýtt. Hlusta á eitthvað sem þú hefuraldrei hlustað á áður og kannski hugsanlega finna nýja uppáhalds tónlist. Þess vegna mæli ég með að þú farir amk einu sinni nákvæmlega ekkert eftir planinu þínu (eða einhvers annars) og veljir stað af handa hófi (helst eitthvað sem þú færir annars ekki) og tjékkir á einu bandi þar… eitt band er alveg lágmark.

Svo svona smá auka í lokinn þá henti ég í einn 8 Tracks lagalista með því allra helsta erlenda á hátíðinni

Tags: Airwaves 2012, Dirty Projectors, Django Django, Retro Stefson, Reykjavík!, Swans
Flokkað undir Airwaves, Georg Atli, Tónleikar | Comments Off

Lögin úr Jaðarsöngleiknum: The Tickling Death Machine

5.6.2012 - Georg Atli

Við fengum smá póst um áhugavert samstarf Lazyblood og Reykjavík! en þær hafa sent frá sér smáskífu með lögunum úr The Tickling Death Machine. Þið getið lesið meira um það aðeins neðar og ég mæli með því að þið horfið líka á kynningarmynbandið (sem er neðst) þar koma fram setningar eins og “Skildu sjálfsmyndina eftir við dyrnar og leyfðu okkur að afhausa þig aðeins.” og það hlýtur að vekja áhuga! Svo er líka dansað og svoliðisi í því, það er gaman. Svo er líka hægt að lesa miklu meira um þetta verkefni inni á youtube síðunni.

Hljómsveitirnar Lazyblood og Reykjavík! hafa sent frá sér smáskífu í sameiningu með lögum sem er að finna í jaðarsöngleiknum The Tickling Death Machine, en hann hefur farið og fer enn sigurför um heiminn með sína öfgakenndu, en furðu raunverulegu, sýn á síðustu daga mannkyns. Lögin er aðeins fáanleg á tónlistarveitunni gogoyoko .

The Tickling Death Machine verður einmitt frumsýndur á Íslandi um næstu helgi, og er aðeins um eina sýningu að ræða, en hún fer fram föstudagskvöldið 8. júní kl. 20:30 í Iðnó.

Miðasala á þennan stórbrotna listviðburð, hvar mörkin milli tveggja heima eru ítarlega könnuð, fer aðeins fram í Brim og á www.midi.is

Það er danshópurinn Shalala ehf, sem stendur að sýningu The Tickling Death Machine og lét einnig gera smá stiklu um þennan sérstæða gjörning sem sjá má hér að neðan. The Tickling Death Machine er sett upp með stuðningi frá Tónlistarsjóði, Brussels Kunstenfestival des arts og Tuborg.

Tags: Lazyblood, Reykjavík!
Flokkað undir Georg Atli, Tilkynning | Comments Off

Reykjavík Music Mess kveður Nasa með aukatónleikum

23.5.2012 - Kristjana

Reykjavík Music Mess gleðin eykst með hverjum deginum því nú hefur verið tilkynnt að sérstakir aukatónleikar verði haldnir á Nasa á fimmtudaginn, þann 24. Dikta, Tilbury, Cheek Mountain Thief og Morðingjarnir munu koma fram og tónleikarnir hefjast upp úr kl. 21. Reykjavík Music Mess miði mun veita aðgang en einnig verður hægt að kaupa miða einungis fyrir fimmtudagskvöldið á miði.is og við inngang og er miðaverðu einungis 1.000 kr.

Eins og við höfum áður nefnt munu alls 18 hljómsveitir koma fram á hátíðinni yfir helgina – á Nasa, Kex Hosteli og Faktorý. Meðal þeirra eru Reykjavík!, Benni Hemm Hemm, My Bubba & Mi frá Danmörku, Snorri Helgason og Laura J. Martin frá Englandi. Dagskrá hátíðarinnar má nálgast á heimasíðu hennar www.reykjavikmusicmess.com. Svo er um að gera að minna enn og aftur á að frítt er inn á þá viðburði sem haldnir verða á Kex Hostel.

Tags: Benni Hemm Hemm, Cheek Mountain Thief, Dikta, Laura J. Martin, Morðingjarnir, My Bubba & Mi, Reykjavík Music Mess, Reykjavík!, Snorri Helgason, Tilbury
Flokkað undir Kristjana, Óflokkað | Comments Off

Tónleikastuð: Reykjavík! og Futuregrapher taka óvænta stefnu á 22

23.3.2012 - Georg Atli

Við fengum svona líka fína fréttatilkynningu um tónleika sem fara fram í kvöld. Tilkynningin er skemmtileg þannig að ég nenni ekkert að draga neitt saman. Lesið bara tilkynninguna, ykkur er engin vorkunn af því! Svo getiði líka horft á myndböndin sem fylgdu tilkyningunni, þau koma tónleikunum ekkert við en þau er bæði frekar fyndin/skemmtileg. Myndböndin eru neðst.

Já, já, það er satt, Reykjavík! og Futuregrapher hafa loksins látið verða af því að leiða saman hesta sína og munu leika saman á tónleikum á 22 við Laugarveg nú á föstudaginn. Allir fá aukna rýmisgreind á 22, þar skarkalaprýdd tónlistin brýtur niður samfélagslegar hindranir og tónlistarfólkið laxerar andlega. Í sameiningu munu böndin rífa nýtt rassgat á 22. Og tónleikarnir hefjast kl. 22. Og það er frítt inn.

Ítarlegri saga: Í ljósi fjölda áskorana og nokkurra morðhótana var orðið skýrt að hinn framsækni Futuregrapher–marg-krýndur konungur íslenskrar nýraftónlistar–sem þekktur er af góðu fyrir tónsmíðar sínar sem og nýstárlegar túlkanir á verkum annarra listamanna og rokksveitin ástsæla og margverðlaunaða Reykjavík!, sem löngum hefur verið metin sem besta tónleikasveit landsins og ótrúlega margir vilja meina að hafi átt eina af sex bestu plötum síðasta árs, gætu ekki frestað því lengur að spila saman.

Futuregrapher er listamannsnafn hins dýrslega Árna Grétars. Hann gefur sína töfrandi rafmagnstónlist út hjá samsteypunni Möller Records og hefur vakið verðskuldaða athygli fyrir, enda stendur hann upp í hinni Reykvísku elektrósenu sem dafnar og vex sérlega vel þessa dagana. Síðasta útgáfa Futuregrapher‘s er hin töfrandi breiðskífa Tom Tom Bike sem leit dagsins ljós sl. ágústmánuð. Hægt er að fræðast nánar um Futuregrapher, hlusta á tóndæmi, skoða myndir og fara í stuð á www.futuregrapher.com

Reykjavík! er sex karlmenn, fimm frá Ísafirði og einn frá Reyðarfirði. Þeir ala þó allir manninn í Reykjavík að mestu. Sveitin gaf út sínu þriðju breiðskífu, LOCUST SOUNDS, í október árið 2011 og þótti hún almennt vera geðveik plata. Hún er einmitt plata vikunnar á Rás 2 um þessar mundir og einhverjir glöggir útvarpshlustendur gætu hafa heyrt í henni þar. Reykjavík! er þekkt fyrir öskrandi melódíur, sveiflandi sviðsframkomu, smekkvísi í klæðaburði og greinarmerkjasetningu á heimsmælikvarða. Hægt er að fræðast meira um Reykjavík! víða á internetinu — heimasíðan er ekki alveg klár en það má til dæmis fara á www.facebook.com/reykjaviktheband og hlusta á músík og svona.

22 er einn frægasti bar Reykjavíkur. Það er mjög góður bar.

STUTTA ÚTGÁFAN:
Reykjavík! vs. Futuregrapher
Föstudaginn 23 mars kl 22:00
22, Laugavegi 22
FRÍTT INN

Tags: Futuregrapher, Reykjavík!
Flokkað undir Georg Atli, Tilkynning | Comments Off

Íslensk tónlistarmyndbönd á Northern Wave Film Festival

31.1.2012 - Georg Atli

Næstkomandi mars (2.-4. mars 2012) verður haldin alþjóðleg stuttmyndahátíð í Grundarfirði. Þó svo að það eitt og sér sé skemmtilegt verður valið íslenska tónlistarmyndband ársins í leiðinni og mér finnst það ennþá skemmtilegra. Ykkur til yndisauka þá ákvað ég að birta lista yfir þau myndbönd sem hafa verið tilnefnd hér að neðan og m.a.s. að linka á þau líka. Dyggir lesendur hafa alveg örugglega séð mörg myndbandanna áður hérna hjá okkur en þau eru samt mjög góð/skemmtileg þannig að það má alveg horfa aftur. Ég mæli meira að segja eindregið með því að þið horfið á öll myndböndin. Hins vegar nenni ég ekkert að skrifa um þau en bendi þess í stað á mjög skemmtilegt blogg frá Gogoyokoliðum. Það er líklega rétt að taka tvennt fram, í fyrsta lagi þá er listinn hér að neðan fenginn að láni af heimasíðu hátíðarinnar (northernwavefestival.com/) og í öðru lagi þá eru það áðurnefndir Gogoyokopennnar sem tilnefna myndböndin á listann.

ÍSLENSK TÓNLISTARMYNDBÖND TILNEFND AF GOGOYOKO.COM

123 Forever með Apparat Organ Quartet
Leikstjóri: Gerda Klotz
Feels Like Sugar með Hjaltalín
Leikstjóri:Rúnar Ingi
Because Of The Blood með Sin Fang
Leikstjóri:Máni M. Sigfússon
Sneaky Boots með Kiriyama Family
Leikstjóri:Gunnar Örn Birgisson
Hellbound Heart með Reykjavík!
Leikstjóri:Bowen Staines
River með Snorra Helgasyni
Leikstjóri:Máni M. Sigfússon
Tranquility með Who Knew
Leikstjóri:Einar Baldvin Arason
Implosions með Agent Fresco
Leikstjóri:Jónatan Grétarsson
Sharpen The Knife með Who Knew
Leikstjóri:Sigurjon Bjarni Sigurjonsson
Oh Dae Su II með We Made God
Leikstjóri:Óskar Bragi Stefánsson
Slowlights með Sin Fang
leikstjórn: Máni M. Sigfússon
Over með GusGus
Leikstjórn Ellenar Lofts & Thorbjarnr Ingasonar
Smashed Birds með Sóley
Leikstjórn: Inga Birgisdóttir
Kimba með Retro Stefson
Leikstjórn: Árni Sveinssonar
Never Forever með Singapore Sling
Leikstjórn: Þórður Grímsson
Skeletons Having Sex on a Tin Roof með Orphic Oxtra
Leikstjórn: Bergrún Snæbjörnsdóttir
I Don’t Want To Go To Sleep Either með FM Belfast
Leikstjórn: Árni Rúnar Hlöðversson
Bed of Needles með Steed Lord
Leikstjórn: Steed Lord (ásamt Sonya Tayeh)
American með FM Belfast
Leikstjórn: Árni Rúnar Hlöðversson
Two Boys með Sin Fang
Leikstjórn: Inga Birgisdóttir

Tags: Apparat Organ Quartet, FM Belfast, Gus Gus, Hjaltalín, Kiriyama Family, Orphic Oxtra, Retro Stefson, Reykjavík!, Sin Fang, Singapore Sling, Snorri Helgason, Sóley, Steed Lord, We Made God, Who Knew, Who Made God
Flokkað undir Georg Atli | Comments Off

Topp 5 íslenskar plötur ársins 2011 – Georg Atli

13.1.2012 - Georg Atli

2011 var frábært ár fyrir íslenska tónlist, ég held að ég hafi aldrei haft eins mikið að góðum og frábærum plötum á árslista. Þetta voru reyndar svo margar plötur að ég neyðist til þess að svindla eina erðina enn og koma með miklu lengri lista… og meira að segja að tvískpta listanum sem er ekki topp 5 listinn!. Fyrst koma plötur sem voru sérstaklega góðar eða skemmtilegar eða áhugaverðar og örstutt um hverja plötu.

Mugison – Haglél – Mér finnst þetta vera sæmileg plata með 11 frábærum lögum (sem er kannski ekki rökrétt en samt satt)
Gus Gus – Arabian Horse – Partýplata ársins
FM Belfast – Don‘t Want to Sleep – Eftirpartýplata ársins
Gang Related – Stunts and Rituals – Hressandi nútímastrandarpopprokk í anda Beach Boys
Ham – Svik, Harmur og Dauði – Endurkoma ársins
Futuregrapher – TomTom Bike – Frábært plata sem fór allt of lítið fyrir
Samaris – Hljóma Þú E.P. -Krútraftónlist
Fist Fokkers – Emilio Estavez E.P. – Frábært. Með epískari live böndum íslands.
Dad Rocks! – Mount Modern – Íslenskur Bill Callahan. Reynið að hlusta á lagið Funemployment án þess að fíla það.

Næst koma plötur sem að voru ótrúlega nálægt 5 sætinu á listanum mínum:

Daníel Bjarnason & Ben Frost – Solaris – Klassíska plata ársins
NOLO – Nology – Skemmtilegasta plata ársins.
Skurken – Gilsbakki – Raftónlistarplata ársins.
Of Monsters and Men -My Head is an Animal – Poppplata ársins.
Náttfari – Töf – Síðrokkplata ársins og 6. sætið á listanum mínum

oooog svo Topp 5 plötur ársins!

5. Sóley – We Sink
Ég var búinn að bíða spenntur eftir þessari plötu síðan e.p. platan hennar kom út í fyrra. Ég varð ekki fyrir vonbrigðum. Sóley tekst að búa til einhvern ótrulega fallegan hljóðheim sem að maður getur ekki annað en sogast inn í.

4. Lay Low – Brostinn Strengur

Lay Low gerði frábæra plötu með frábærum lögum við frábær ljóð nokkura kvenna. Það passar ótrúlega vel við hana að syngja á íslensku og hún nær rosa vel inn á þessa íslensku tilfinningu.

3. Reykjavík! – Locust Sounds

Stórkostleg plata í alla staði. Reykjavík! náði að rífa hljóminn sinn upp á alveg nýtt plan og gæði tónlistarinnar urðu miklu meiri.

2. Sin Fang – Summer Echoes

Sindri er örugglega einn af ferskari og frumlegri tónlistarmönnum Íslands. Hann hleður upp hljóðum og tónum í einhverja ótrúlega flókna tónlistarsúpu þar sem að maður heyrir eitthvað nýtt við hverja hlustun.

1. Snorri Helgason – Winter Sun

Einfaldlega besta plata ársins. Frábær í alla staði, lögin og útsetningarnar eru góðar, textinn er góður og hljóðfæra leikurinn góður. Snorri Helgason fann sig greinilega ótrúlega vel í stúdíóinu með Sindra (Sin Fang og Seabear).

Tags: Lay Low, Reykjavík!, Sin Fang, Snorri Helgason, Sóley
Flokkað undir Georg Atli, Listar | Comments Off

Topp 5 íslenskar plötur 2011 – Kristín Gróa

13.1.2012 - Kristín Gróa

Árið 2011 er í mínum huga ár íslenskrar tónlistar. Það kom út alveg gríðarlegt magn af vönduðum og skemmtilegum plötum og ég hef persónulega aldrei hlustað jafn mikið á íslenska tónlist. Húrra fyrir íslenskum tónlistarmönnum! Að vanda skulum við byrja á 10 plötum sem náðu ekki á topp fimm en mér þykir samt vert að minnast á:

Lay Low – Brostinn strengur
GusGus – Arabian Horse
Snorri Helgason – Winter Sun
Nolo – Nology
Vigri – Pink Boats
FM Belfast – Don’t Want To Sleep
Orphic Oxtra – Kebab diskó
Gang Related – Stunts & Rituals
ADHD – ADHD2
Ben Frost & Daníel Bjarnason – SÓLARIS

5. Reykjavík! – Locust Sounds

Rokkplata ársins! Gríðarlega metnaðarfull og skemmtileg plata sem rokkar fyrir allan peninginn. Ég hafði fram að þessu aldrei hlustað mikið á Reykjavík! en hafði horft dáleidd á þá live enda leitun að betra live bandi. Nú er ég farin að hlusta og mun aldrei hætta.

4. Mugison – Haglél

Þetta er líklega plata ársins svona almennt séð enda náði hún til allra. Ég hef aldrei hitt neinn sem hefur nokkuð slæmt um Mugison eða hans tónlist að segja og þar held ég einmitt að töfrarnir séu. Hann er allra. Hann er nógu kúl fyrir hipsterana en nógu alþýðlegur fyrir ömmurnar. Allir vinna. Það er frábært að sjá viðtökurnar við þessari plötu og þær eru algjörlega verðskuldaðar. Þetta er í raun látlaus lítil plata en stundum er minna meira.

3. Sin Fang – Summer Echoes

Þessi plata er líklega andstaðan við Haglél. Hér er ekkert lítið, látlaust eða einfalt heldur allt svo gríðarlega flókið og samofið að þegar ég hlusta þá get ég ekki annað en velt því fyrir mér hvernig í fjáranum maðurinn fer að því að láta þetta allt passa svona fullkomnlega saman. Mér finnst platan sterk út í gegn en ég heillaðist samt mest af laginu Fall Down Slow sem varð mitt fyrsta ofspilaða lag ársins 2011.

2. Sóley – We Sink

Ég viðurkenni að þegar ég hlustað á Theater Island í fyrsta sinn þá náði ég henni ekki alveg en eftir að hafa séð Sóley spila live þá gaf ég henni annan séns og heillaðist algjörlega. Ég beið því We Sink með mikilli eftirvæntingu og varð engan veginn fyrir vonbrigðum. Mér finnst ég vera að fara inn í annan heim þegar ég set þessa plötu af stað og í hvert sinn hlusta ég frá upphafi til enda… nema kannski þegar ég er að spila Smashed Birds á repeat en það er algjörlega uppáhalds. Það er líka alveg ofboðslega gaman að heyra lögin af plötunni live en Sóleyju og Jóni Óskari tekst á einhvern undraverðan hátt að spila bara tvö en koma samt öllu til skila.

1. Of Monsters And Men – My Head Is An Animal

Það má alveg ásaka mig um að vera hlutdræga þegar kemur að Of Monsters And Men og ég skal alveg gangast við því. Ég get hins vegar lofað því að ég myndi ekki setja þau á toppinn á árslistanum mínum óverðskuldað og staðreyndin er sú að hef ekki hlustað jafnmikið á nokkra íslenska plötu á árinu. Mér finnst hún alltaf skemmtileg, fæ aldrei leið á lögunum og syng með hverju lagi. Mér finnst ekki eitt slakt lag á þessari plötu og ég er ekki hissa á að EP platan Into The Woods hafi toppað Billboard Heatseekers listann. Framtíðin er björt!

Tags: adhd, Ben Frost, Daníel Bjarnason, FM Belfast, Gang Related, GusGus, Lay Low, Mugison, Nóló, of monsters and men, Orphic Oxtra, Reykjavík!, Sin Fang, Snorri Helgason, Sóley, Vigri
Flokkað undir Kristín Gróa, Listar | Comments Off

Annáll Kimi Records

13.1.2012 - Kristín Gróa

Kimi Records átti glimrandi gott ár í músík og stóð að útgáfu nokkurra hljómplatna sem hafa fengið prýðilegar viðtökur, eins sáu þeir um dreifingu og kynningu á nokkrum titlum. Árið hófst með útgáfu á annarri breiðskífu Sin Fang, Summer Echoes, en hún kom út í mars. Fékk hún prýðilegar viðtökur, en fólki þykir þetta að öllu jöfnu mjög góð plata. Því næst kom platan Don’t Want to Sleep með FM Belfast (Morr music gaf út). Platan fór í verslanir þann 3. júní síðastliðinn. Í ágúst gáfum við út aðra breiðskífu Snorra Helgasonar og nefnist hún Winter Sun. Sú plata féll vel í kramið hjá skrípentum og hlustendum og meðal annars valdi Dr. Gunni hana sem plötu ársins.

Um mitt sumar fór allt að tryllast á skemmtistöðum miðborgarinnar sökum óvæntasta smells ársins. Niðrá strönd í sexy schidt endurgerð fékk fólk til að æpa af fögnuði og gleði. Í tilefni því gaf Kimi lagið út á rafrænu formi í þessari dansvænu útgáfu og var því vel tekið.

Í lok ágúst gáfu jaðarjazzararnir í ADHD út sína aðra breiðskífu, ADHD 2 og sömuleiðis komu út plöturnar Stop That Noise með Hellvar og Hermigervill leikur fleiri íslenzk lög, en Kimi sá um dreifingu á þessum titlum.

2. september gáfum við út plötuna We Sink (í samstarfi við Morr music) með henni Sóley. Sú plata endaði ofarlega á flestum árslistum og þykir platan frábær í alla staði.

Þann 1. október kom platan Haglél út með Mugison og hefur hún slegið öll met og hefur meðal annars verið seld í um 28 þús eintökum. Um miðjan október komu svo út tvær plötur. Við upphaf Airwaves hátíðina kom út platan Mount Modern með Dad Rocks! í tilefni af fyrstu tónleikum hans hér á landi, en Snævar Albertsson er að öllu jöfnu búsettur í Danmörku. Svo kom út platan Locust Sounds með Reykjavík!, 14 laga plata sem fer alla leið í rokkinu.

Sömuleiðis gáfum við í Kima út okkar fyrstu kvikmynd, í samstarfi við Kjartansson ehf, en myndin Backyard kom út á DVD og fylgir hljómdiskur með myndinni og inniheldur hann lög úr myndinni.

Í nóvember kom svo út platan Nology með Nolo. Unggæðingarnir úr úthverfum höfuðborgarinnar enduðu útgáfuárið okkar með bravúr, en platan þykir unaðsleg.

Í apríl hélt Kimi Records sína fyrstu tónlistarhátíð og kölluðum við hana Reykjavík Music Mess, þar úði og grúði af músík og minnistæðustu tónleikar hátíðarinnar voru frábærir tónleikar Deerhunter, goðsagnakennd framkvæmd Sudden Weather Change á tónlist Ghostigital, en þar nutu þeir aðstoðar Einars Arnar Benediktssonar. Reykjavík Music Mess verður svo haldin aftur á þessu ári, en að þessu sinni í maí.

Allt í allt gott ár hjá þeim tónlistarmönnum sem Kimi leggur lag sitt við.

Tags: adhd, Dad Rocks!, Deerhunter, FM Belfast, Ghostigital, Hellvar, Hermigervill, Kimi Records, Mugison, Nóló, Prinspóló, Reykjavík!, Sin Fang, Snorri Helgason, Sóley, Sudden Weather Change
Flokkað undir Kristín Gróa | Comments Off

Árslistatíð!

2.1.2012 - Georg Atli

Eitt það allra besta við desember og janúar eru allir árslistarnir. Nú keppast tónlistarsíður og dagblöð og tímarit við það að birta sína lista yfir bestu lög og plötur ársins. Topp 5 gerir þetta að sjálfsögðu líka (lög ársins komu í þríriti síðasta föstudag. Hér eru linkar á lista Snorra, Kristínar Gróu og Georgs Atla) og næsta föstudag (7. janúar) koma listar yfir bestu erlendu plötur ársins 2011 og föstudaginn eftir það (14. janúar) er komið að íslensku plötunum. Gaman að því.

Til að létta ykkur biðina þá koma hlekkir á nokkra merkilega (íslenska) lista.

Rjóminn var með 2 lista og þar varð Bon Iver efstur allra útlenskra og Sóley átti bestu íslensku plötuna.

Dr. Gunni skipti þessu í tvennt og Snorri Helga átti íslensku plötuna og Kvelertak þá erlendu

Benson is Fantastic fannst St. Vincent vera allra best á árinu en efsta íslenska platan var Locust Sounds þeirra á Reykjavík! í 14. sæti

Tónlistarveitan Gogoyoko er síðan búin að starta nýju tónlistarbloggi og þar varð Kurt Vile efstur og Sin Fang var í 3. sæti.

Kraumur birti líka sinn úrlvalslista nokkru fyrir jól.

Að lokum má benda á listana frá bæði Fréttatímanum (bls. 28) og Fréttablaðinu (innlent og erlent) en þar fengu Topp 5 að vera með í listagerðinni, gaman að því!

Tags: Bon Iver, Kurt Vile, Kvelertak, Reykjavík!, Sin Fang, Snorri Helgason, Sóley, St. Vincent
Flokkað undir Georg Atli | Comments Off

Topp 5 lög ársins – Georg Atli

30.12.2011 - Georg Atli

Ég á alltaf í erfiðleikum með þennan lista, ég er einhvern vegin bara þannig að ég er miklu meira fyrir plötur en stök lög… eða það held ég alltaf, en svo fer ég að hugsa þetta aðeins betur og þá koma alltaf fullt af lögum í hugan á mér sem mér finnst alveg frábær, með eða án hinna laganna á plötunni. Mér fannst líka ótrúlega erfitt að skera niður í þessi lög og enn erfiðara að skera niður í topp 5 (sem sést líklega best á því að þau eru 6), öll hin lögin sem ég nefni eru nefnilega líka frábær. Hérna koma sem sagt lög ársins að mínu mati, fyrst nokkur sem komust ekki alveg á listann (í engri sérstakri röð) og svo topp fimm sex lögin mín.

Cass McCombs – The Lonely Doll
Kurt Vile – Baby’s Arms
Lower Dens – A Dogs Dick
PJ Harvey – The Words that Maketh Murder
James Blake – Wilhelm Screams
Foster the People – Pumped up Kicks
Skurken – Stiklur
Tune-Yards – Gangsta
Reykjavík! – Sneak
Unknown Mortal Orchestra – Ffunny Ffrends
FM Belfast – Happy Winter
Fist Fokkers – Emilio, Don by the Schoolyard
IMMO – Barcelona
Sir Michael Rocks – I See
Samaris – Góða Tungl

Topp 5-6 lög ársins:

5. – 6. Lana del Rey – Video Games

Söngurinn rétt svo lekur útúr henni en er samt ótrúlega flott.

5.- 6. Snorri Helgason – River

Frábært lag, frábær plata. að velja þetta lag fram yfir hin lögin á plötunni er samt smá svindl því að það græðir á myndbandinu, sem mér finnst vera vel heppnað.

4.The Antlers – I Don’t Want Love

Falsettan nær mér alltaf! Mér finnst The Antlers vera vanmetin hljómsveit, sé eiginlega eftir því að hafa sleppt þeim á Airwaves…

3. Náttfari – Lævís Köttur

Náttfari gerðu virkilega góða plötu og þetta lag er einfaldlega rosalegt.

2. Mugison – Stingum Af

Þetta er eins nálægt þvíað vera jafntefli og það getur orðið… en samt ekki. Mugison gaf út rosa flotta plötu og þetta lag er frábært, nær einhvern veginn til allra og fangar íslenskan sumarandi (úff.. háfleygt!) betur en flest annað.

1. Gotye – Somebody I used to know

Ég er búinn að vera með þetta lag á heilanum síðan ég heyrði það fyrst, eina lagið sem að ég veit um (sem kom út í ár) sem náði til breiðaðr hóps en Mugison. Virkilega flott popp.

Tags: Cass McCombs, Fist Fokkers, FM Belfast, Foster the People, Gotye, IMMO, James Blake, Kurt Vile, Lana Del Rey, Lower Dens, Mugison, Náttfari, PJ Harvey, Reykjavík!, Samaris, Sir Michael Rocks, Skurken, Snorri Helgason, The Antlers, tUnE-yArDs, Unknown Mortal Orchestra
Flokkað undir Georg Atli, Listar | Comments Off