Topp 5 NSFW – Georg Atli

27.5.2011 - Georg Atli

Af því að við gerðum einu sinni lista með ósmakklegum lögum og ég snéri því upp á ósmekkleg myndbönd sem voru öll “not suitable for work” þá ákvað ég að taka aðeins öðruvísi vinkil á þetta. Listinn minn verður um Topp 5 ritskoðuð lög, þeas 5 lög sem að hafa einhvern tímann þótt mjög svo óviðeigandi og verið bönnuð í útvarpi. Það eru nefnilega oft ansi undarleg lög (eða frekar undarlegar ástæður gefnar fyrir því) sem að lög eru tekin úr útvarpsspilun. Nú eru svo svakalega mörg lög sem hafa verið bönnuð um allann heim að það er engin leið að fækka þeim niður í 5 þannig að ég ákvað að halda mig bara við breska BBC-ið og þá var það aðeins auðveldara…

5. Billie Holiday – Gloomy Sunday

Lagið var bannað af því að það var talið að væri valdur af sjálfsmorðum. Lagið er upphaflega frá Ungverjalandi og er samið af Rezss Seress og László Jávor. Árið 1930 varð til hávær orðrómur um það að lagið væri svo sorglegt að höfundur þess hefði framið sjálsmorð (hálf satt) og síðan valdið mörgum ungverskum táningum svo mikilli sálarangist að þau fóru að fremja sjálfsmorð i hrönnum…. núna í seinni tíð er talið að þetta hafi verið einhverskonar undarleg og brengluð markaðsherferð, huggulegt. Núna hefur það einhverskonar cult status hjá ýmsum dauðadýrkandi hópum og líka hjá þeim sem að dýrka svona urban legends , eins og sjá má hér (lagið sjálft byrjar á 1:17)

4. Frankie Goes to Hollywood – Relax

Þetta lag er náttúrlulega bara um kynlíf og að gera’ða. Myndmálið er ekekrt sérstaklega vel falið en það var sérstaklega (einhverra hluta vegna) textabúturinn “When you want to come/Come-oh oh oh” sem að fór fyrir brjóstið á BBC.

3. The Pogues – Fairytale of New York (feat. Kristy MacColl)

Þetta lag var bannað vegna orðbragðs (skiljanlega?) en vegna þess að hlustendur þrýstu svo mikið á stjórn BBC þá var lagið sett á B-listann… nú er þetta eitt af vinsælli jólalögunum (þó að þetta sé eitt af ójólalegustu jólalögum sem ég hef heyrt).

2. The Kinks – Lola

BBC neitaði að spila þetta lag vegna að það var talið að lagið gæti virkað sem auglýsing fyrir kók. Það er svo sem ekkert fráleitt hjá þeim…

I met her in a club down in old Soho
Where you drink champagne and it tastes just like coca-cola
C-O-L-A cola

1. The Beatles – A Day in the Life

Mér finsnt það merkilegt að það vara alveg nóg að Bítlarnir skyldu syngja “I’d love to turn you on” til þess að það var túlkað sem eiturlyfja referance (þetta var það alveg en það er algjört aukaatriði!) og eitt besta lag allra tíma var bannað í útvarpi…

Tags: Billile Holliday, Frankie Goes to Hollywood, the beatles, The Kinks, The Pogues
Flokkað undir Georg Atli, Listar | Comments Off

Topp fimm drykkirnir hans Árna

3.4.2009 - Árni Sverrir

Kinks teygðu sig sjaldan í loftkenndar hugmyndir til þess að ná til fólks.

Kinks vissu sem skyldi að raunveruleikinn í sinni hversdagslegustu mynd getur túlkað alveg jafnvel okkar dýpstu þrár og sterkustu tilfinningar.

The Kinks – Sunny afternoon

Now I’m sitting here,

Sipping at my ice cold beer,

Lazing on a sunny afternoon

Íbúðalánin að sliga þig? Hangir niðurskurðarhnífurinn yfir þér? Gerðu bara eins og Ray Davies og sötraðu öl…ekkert annað hægt að gera.

The Kinks – Death of a clown

My makeup is dry and it clags on my chin

I’m drowning my sorrows in whisky and gin

Viskí og gin…blanda sem maður lætur stundum eftir sér á Dillon.

The Kinks – Alchohol

Barley wine, pink gin,

He’ll drink anything,

Port, pernod or tequila,

Rum, scotch, vodka on the rocks,

Oh, demon alcohol,

Sad memories I cannot recall



Svenni fór eitt sinn með síðustu tvær línurnar fyrir mig þegar ég var á sunnudagsbömmer eftir einum of hressa helgi, þær kættu mig til muna og breyttu viðhorfi mínu.





The Kinks – Afternoon tea

I’ll take afternoon tea (afternoon tea)

If you take it with me (afternoon tea)

You take as long as you like

‘Cause I like you, girl

I take sugar with tea (afternoon tea)

You take milk if you please (afternoon tea)

Like you talking to me

Because you ease my mind

Enginn hlutur táknar betur breska þjóðarsál en te að ég held. Allt líf og allar gjörðir Breta eru samofnar tesumbli. Kinks tekst meira að segja að skapa rómantíska stemningu í gegnum síðdegistedrykkju.

The Kinks – Have a cuppa tea

Tea in the morning, tea in the evening, tea at supper time,

You get tea when it’s raining, tea when it’s snowing,

Tea when the weather’s fine.

You get tea as a mid-day stimulant

You get tea with your afternoon tea

For any old ailment or disease

For Christ sake have a cuppa tea.

Whatever the situation, whatever the race or creed,

Tea knows no segregation, no class nor pedigree

It knows no motivations, no sect or organisation,

It knows no one religion,

Nor political belief

Teið heldur sigurgöngu sinni áfram…

Tags: Ray Davies, The Kinks
Flokkað undir Listar, Árni | Comments Off

Topp 5 drykkjalög – Krissa

3.4.2009 - Kristjana

Í byrjun einsetti ég mér bara að lögin yrðu að innihalda drykkjarnafn í titlinum. Einhvern veginn náði ég að enda með topp 5 sem inniheldur bara kaffi- eða telög! Undarlegt. Gæti skýrst af óhóflega mikilli kaffi- og tedrykkju síðustu vikuna eða svo…

5. The Kinks – Have a Cuppa Tea
“If you feel a bit under the weather
If you feel a little bit peeved
Take granny’s stand-by potion
For any old cough or wheeze.
It’s a cure for hepatitis it’s a cure for chronic insomnia
It’s a cure for tonsilitis and for water on the knee”

Og þar hafið þið það!

4. Otis Redding – Cigarettes and Coffee
” I say it’s so early in the morning
Ooh, it’s a quarter ’til three
We’re sittin’ here talkin’
Over cigarettes and drinking coffee”

Þessi rödd!

3. The Robot Ate Me – Crispy Christian Tea Time
“Sometimes we play, crispy christian tea time, with barbies tea and toast.
And my friend brings his talking version of god and a full buddhist lego set.
Did you know that my grandmother bought me a full jesus action figure set?”

Hver kannast ekki við lög eins og ‘Genocide Ball’, ‘Jesus and Hitler’ og, jú, ‘Crispy Christian Tea Time’? The Robot Ate Me er skrautlegur…lögin æði

2. The White Stripes – One More Cup of Coffee
“Your voice is like a meadowlark
But your heart is like an ocean
Mysterious and dark”

Úff, það er erfitt að velja milli Dylan og White Stripes útgáfunnar en ég held að ég haldi pínu meira upp á þessa.

1. Ella Fitzgerald – Black Coffee
“I’m moaning all the morning
and mourning all the night
And in between it’s nicotine
And not much heart to fight”

Það er ekki hægt að fá nóg af þessu lagi! Þetta er lagið sem maður setur á þegar maður er búinn að koma sér ógeðslega vel fyrir í sófanum, með teppi, bók og…tebolla.

Og örfá honourable mentions
=> Snoop Dogg – Gin’n'Juice
klassík!
=> The Andrews Sisters – Rum and Coca Cola
þetta er svo vafasamt lag! Hafið þið einhvern tíma pælt í textanum?
=> Landon Pigg – Falling in Love at a Coffee Shop
svo flott rööödd!!!

Tags: Bob Dylan, Ella Fitzgerald, Landon Pigg, Otis Redding, Snoop Dogg, The Andrews Sisters, The Kinks, The Robot Ate Me, The White Stripes
Flokkað undir Kristjana, Listar | 2 athugasemdir »

Topp 5 föstudagsþrettándalögin hans Árna

13.3.2009 - Árni Sverrir

Paraskevidekatriaphobia er víst nafnið sem fræðaheimurinn hefur gefið fólki sem óttast föstudaginn 13. Ég hef sjaldan lent illa í því á þessum degi frekar en einhverjum öðrum en ætla engu að síður að byggja listann minn á einhverskonar óheppni.

Hot Damn! – Hot Damn That Woman Is A Man

Saga með móral eða eitthvað svoleiðis…

The Kinks – Lola

Sama saga en með betri endi.

Pixies – I´m Amazed

Mig hefur alltaf langað til að vita um hvað sagan hennar Kim er um…

Travis – Why does it always rain on me

Vælukjóalag en stundum er maður bara þannig.

Selma – I´m All Out Of Luck

Eftirminnilegt lag því ég fór á frábæra tónleika með Jon Spencer Blues Explosion seinna um kvöldið. Svo klikkar Terry Vaughan sjaldan.

Tags: Hot Damn!, Jon Spencer Blues Explosion, pixies, Selma, Terry Vaughan, The Kinks, Travis
Flokkað undir Listar, Árni | Comments Off

Kreppan – Kristmundur

10.10.2008 - Fyrrverandi topp fimmarar og gestalistamenn

Spillingadans – Plató
Þessa dagana les maður mikið á vefsíðum um hrun kapitalisma og þær hugmyndir að henda ríkisstjórninni út og mynda utanþingsstjórn. Hverjum hefði dottið þetta í hug fyrir tíu árum? Jú, uppáhaldsbandi Steingríms J. Sigfússonar, Plató.

Dead End Street – The Kinks
There’s a crack up in the ceiling
And the kitchen sink is leaking
Out of work and got no money
A Sunday joint of bread and honey
What are we living for? Two roomed apartment on the second floor?
No money comin’ in, the rent collector’s knockin’ trying to get in

Frábært kreppulag eftir Raymond.

In the Ghetto – Nick Cave and the Bad SeedsLitlir, svangir munnar út um allt í gettóinu. Kreppan kallar á örvæntingarfull ráð.

All Tomorrow’s Parties – The Velvet Underground
And what costume shall the poor girl wear
To all tomorrow’s parties
A hand-me-down dress from who knows where
To all tomorrow’s parties
And where will she go and what shall she do
When midnight comes around
She’ll turn once more to Sunday’s clown
And cry behind the door

Einhver fátæk öskubuska sem er búin að stunda partíin grimmt og grenjar yfir innihaldsleysinu. Ekkert vit í öllu þessu sukki.

Anywhere I lay my head – Tom Waits
Well I see that the world is upside-down
Seems that my pockets were filled up with gold
And now the clouds, well they’ve covered over
And the wind is blowing cold
Well I don’t need anybody, because I learned, I learned to be alone
Well I said anywhere, anywhere, anywhere I lay my head, boys
Well I gonna call my home

Það er búið að snúa heiminum á hvolf og framtíðin er óljós. Ljóta ruglið.

Tags: Nick Cave and the Bad Seeds, Plató, The Kinks, The Velvet Underground, Tom Waits
Flokkað undir Gestalisti, Listar | Comments Off

Penge – Kristmundur

27.9.2008 - Fyrrverandi topp fimmarar og gestalistamenn

Pretty Green – The JamPaul Weller og félagar í Jam voru skemmtilegir fýrar.

The Moneygoround – The KinksRobert owes half to GrenvilleWho in turn gave half to LarryWho adored my instrumentalsAnd so he gave half to a foreign publisherShe took half the money that was earned in some far distant landGave back half to Larry and I end up with half of goodness knows whatOh can somebody explain why things go on this wayI thought they were my friends I can’t believe it’s me,I can’t believe that I’m so green

Ray var orðinn leiður á að fá bara lítið brot af tekjunum sem lögin hansskópu og hraunaði yfir jakkafatapésana í kringum hann, þá Larry Page,Robert Wace og Grenville Collins.

Silas Stingy – The WhoHe bought a safe to put the box inAnd a house to put the safe inAnd a watchdog on a chain to make quite sureAnd his face was very funnyWhen he counted up his moneyAnd he realized he hadn't any more

John Entwistle skapaði margar líflegar persónur þó hann hafi kannski ekkisamið nema brotabrot laga The Who. Silas Stingy, Cousin Kevin, Whiskeyman, Boris the Spider og Uncle Ernie eru skrýtnar fígúrur sem allar komaúr kollinum á John.

Easy Money – Nick Cave and the Bad SeedsEitthvað hórerí í gangi þarna. Mannhóra á vergangi, held ég.

Money – Pink FloydÚltímeit peningalagið.

Tags: Grenville Collins, Larry Page, Nick Cave and the Bad Seeds, Paul Weller, Pink Floyd, Ray Davies, Robert Wace, The Jam, The Kinks, The Who
Flokkað undir Gestalisti, Listar | 1 athugasemd »

Topp fimm peningalög Árna

26.9.2008 - Árni Sverrir

The Beatles – You Never Give Me Your Money

Bara kominn tími á Bítlana…

The Kinks – Moneygoround

Þetta er tribjút til Flæðisins…falleg hugmynd sem þoldi ekki raunveruleikann.

Abba – Money, Money, Money

Abba fær að fljóta með bara svona af því að ég er nýbúinn að læra Abba-dans…dans þennan er víst hægt að sjá í myndinni Mamma Mia og ku dansinn fara fram á bryggju einni…veit ekki meir.
En bestu ábreiðu af þessu lagi má annars finna hér

Megas – (fjögurmilljóndollaraogníutíuogníusenta) Mannúðarmálfræði

Mannúðarmálfræði er framtíðin í móðurmálskennslu

Maus – 90 króna perla

Ég keypti reyndar þessa perlu á 99 krónur…verðbólga býst ég við

Tags: abba, Maus, Megas, the beatles, The Kinks
Flokkað undir Listar, Árni | 3 athugasemdir »

topp 5 köntrí – zvenni

14.3.2008 - Fyrrverandi topp fimmarar og gestalistamenn

Fyrir mér er köntrí bæði einfalt og flókið fyrirbæri. Það sem gerir það að sönnu köntríi er einfaldleiki þess, þessi einlæga og stundum barnslega tjáning sem kemur beint frá hjartanu. Samt sem áður eru yfirlýstir köntrí tónlistarmenn ekki alltaf að ná þessu þrátt fyrir heiðarlegar tilraunir, hatt, stígvél og spora. Stundum vantar beinlínis köntríið í köntríið.
Aftur á móti ná tónlistarmenn sem hafa annars litla sem enga tengingu við köntrí af og til að fanga þennan fíling hvort sem það er gert í gríni eða alvöru, af tilviljun eða ásetningi.

Eftirfarandi tónar eru tilraun eins manns til að fanga fimm dæmi um kjarna köntrís.

Dear Doctor – Rolling Stones

Oh help me, please doctor, I’m damaged
There’s a pain where there once was a heart
It’s sleepin, it’s a beatin’
Can’t ya please tear it out, and preserve it
Right there in that jar?

Hér tjáir Jagger af mikilli innlifun örvæntingu sveitta og skaðaða brúðgumans sem bíður stóru stundarinnar. Við fylgjum honum í gegnum vangaveltur, efasemdir, hjálparbeiðnir, ráðleggingar móður hans og loks lestur bréfsnifsins úr jakkavasanum.

Teenagers – The Funerals

Pimple face and evil eyes
Talking way too loud
Pushing me in the video store
Acting so horny

I am still afraid of teenagers
I will never be a man

Sögumaðurinn tjáir sinn innsta ótta og vonleysi. Allir hafa sinn djöful að draga og bólugrafnir táningar eru hans.

Muswell Hillbilly – Kinks

Cos I’m a Muswell Hillbilly boy,
But my heart lies in Old West Virginia,
Though my hills, they’re not green,
I’ve seen them in my dreams,
Take me back to those Black Hills,
That I ain’t never seen.

Ray Davies sýnir okkur að köntrí er einfaldlega hugarástand og Bretar geta líka verið sveitó.

I Hung My Head – Sting

I hung my head…
I hung my head…
I hung my head…

Johhny Cash kom auga á köntríið í þessu lagi. Þrátt fyrir afar Sting-lega umgjörð er það er stútfullt af köntrí og eiginlega eins og það hafi verið samið með Cash í huga. Stór plús fyrir Sting.

Girl from the North Country – Bob Dylan (með Johnny Cash)

Please see for me if her hair hangs long,
If it rolls and flows all down her breast.
Please see for me if her hair hangs long,
That’s the way I remember her best.

Bob Dylan endurvinnur lag af eldri plötu og fær Johnny Cash til að raula það með sér. Einfalt og einlægt lag sem segir máski ekki mikla sögu en tjáir hug sögumanns til gamallar kærustu sem var einu sinni sú eina sanna.

Tags: Bob Dylan, Johnny Cash, Ray Davies, Sting, The Funerals, The Kinks, The Rolling Stones
Flokkað undir Listar | Comments Off

Karlalög – Kristmundur

8.2.2008 - Fyrrverandi topp fimmarar og gestalistamenn

Dandy – The Kinks
Eins og allir góðir menn vita er hljómsveitin The Kinks viðbjóðslega skemmtileg. Mörg lög með karlmannsnöfn í titlinum koma í hugann þegar Kinks ber á góma; David Watts, Johnny Thunder, Arthur og Do you remember Walter? eru til að mynda öll snilld. Ég kýs hins vegar að nefna til leiks lagið Dandy frá 1966 þar sem Ray Davies syngur til bróður síns, Dave Davies (eða Dandy). Ray var þarna ráðsettur fjölskyldufaðir sem leit öfundaraugum á litla Dave, einn helsta glaumgosa Lundúna. Þess má til gamans geta að ég hef talað við Ray Davies í síma þökk sé góðu framtaki gamals félaga míns, Valla pulsu.

Cousin Kevin – The Who
Kevin frændi er alræmdur hrekkjalómur sem stríðir Tommy litla í gríð og erg í meistarastykkinu Tommy. Bassafanturinn John Entwistle samdi lagið og syngur en fyrirmyndin að frændanum vonda var drengur sem bjó á móti Entwistle í æsku. Á Tommy má einnig finna annað lag eftir Entwistle, Fiddle About, er fjallar um hrottann Uncle Ernie sem misnotar Tommy litla kynferðislega (textinn kannski pínu Townsend-legur?). Því er óhætt að segja að Entwistle hafi verið ansi vondur við litla málleysingjann Tómas í verkinu.

Stagger Lee – Nick Cave and the Bad Seeds
Stagger Lee var mikill morðingi og hafa ófá lög og textar fjallað um þennan vandræðapésa. Lagið er af Morðballöðum Cave og kumpána þar sem 64 eru drepnir í 10 lögum.

Black Jack David – The Incredible String Band
Black Jack David er eitt af þekktari lögum skosku sveitarinnar The Incredible String Band og er af plötunni Earthspan frá árinu 1972. Lagið er eftir Mike Heron, annan af burðarásum sveitarinnar, en hann kom til Íslands árið 2003 og hélt tónleika í Íslensku óperunni. Lagið um skógarmanninn kvensama Black Jack David var fyrsta uppklappslag ef ég man rétt.

Jumpin’ Jack Flash – The Rolling Stones
Einu sinni fékk Mick að gista hjá Keith Richards í sveitasetrinu hans. Eldsnemma um morgun gekk skuggalegur maður framhjá glugganum í herbergi Mick sem vaknaði býsna smeykur við atganginn úti. Mick stökk framúr og þráspurði Keith hvaða maður væri að dandalast fyrir utan gluggann. “Oh, that’s just Jack, just jumpin’ Jack”, svaraði Keith og átti við garðyrkjumanninn sinn. Síðan sömdu þeir vinirnir lag.

Tags: John Entwistle, Keith Richards, Mick Jagger, Mike Heron, Nick Cave & The Bad Seeds, Ray Davies, The Incredible String Band, The Kinks, The Rolling Stones, The Who
Flokkað undir Listar | Comments Off

Topp 5 kvenmannsnafnalög – Kristín Gróa

1.2.2008 - Kristín Gróa

Að vera veðurteppt í Færeyjum seinkar listanum en ég komst heim á endanum svo hér kemur hann! Það eru svo mörg lög sem innihalda kvenmannsnöfn í titlinum að ég varð alveg ringluð á að hugsa um þennan lista. Til að gera þetta aðeins bærilegra ákvað ég að takmarka mig við lög sem heita bara nafninu… svo Roxanne kom til greina en Sheila Take A Bow ekki.

5. Mark Ronson feat. Amy Winehouse – Valerie

Það er víst einhver acoustic útgáfa af þessu sem hefur verið í spilun í útvarpi en þar sem ég er svo út úr lúppunni hef ég ekki heyrt hana. Mér finnst þessi útgáfa hins vegar alveg killer enda eru hér bæði fiðlur, lúðrar, handaklapp og þessi svakalega söngrödd.

4. The Kinks – Lola

Þetta lag fær fjórða sætið til heiðurs henni Lólu minni sem hefur reynst stoð mín og stytta síðustu mánuði. Hún er alltaf í góðu skapi, er alltaf þakklát þegar ég sinni henni og er aldrei með neitt vesen. Lóla, þú ert besti gullfiskur sem stúlka gæti óskað sér.

3. FM Belfast – Synthia

Alltaf þegar ég heyri þetta lag fæ ég óstjórnlega löngun til að vera stödd á hip bar með glas í hendi að dansa eins og enginn sé morgundagurinn. Hei en það er að koma helgi svo það er aldrei að vita…

2. Them – Gloria

Þetta lag náði toppsætinu á “topp 5 lög sungin af rauðhærðum” listanum mínum fyrir nokkru síðan en ég stenst bara ekki freistinguna að setja það á þennan lista líka. Hvernig er hægt að syngja af svona mikilli ákefð?

1. Leonard Cohen – Suzanne

Ég hef svo sem ekki mikið um þetta lag að segja nema ég fæ alltaf gæsahúð þegar ég heyri það og það nægir til að fá toppsætið.

Tags: Amy Winehouse, FM Belfast, Leonard Cohen, Mark Ronson, The Kinks, Them
Flokkað undir Kristín Gróa, Listar | Comments Off